Shillong, Lber 11: Ha dien ka jingjied ia u speaker jong ka iing dorbar thawain ka jylla la shai ka sngi ka sorkar MDA hapoh ka jingialam jong u Conrad K Sangma kan pan ia ka jingshaniah ka iing dorbar thawain ka jylla ia kaba la juh tip kum ka “ Vote of Confidence”.
Ha dien ba u Lat jong ka jylla u Ganga Prasad u la khot ia u nongialam jong ka NPP ban thaw ia ka sorkar u la buh ruh ia ka por ba shuwa ka 16th Lber 2018 u ningialam jong ka NPP u hap ban pynshisha hapoh ka iing dorbar ba u don ia ka jingbun paid hapoh ka iing dorbar ban beteng ia ka sorkar.
Katkum ki thymmai khubor kiba ia jan bad ka sorkar MDA, ki iathuh ba na ka liang jong u myntri rangbah ka jylla u la dep ban ai jingtip sha ka iing dorbar jong ka jylla ba yn pan ia kane ka jingshaniah na ka iing dorbar ha kaba ia dei bad sorkar kaba u la lam khmat la shai ka sngi ban pynshisha ba u don ia ka jingbun paid jong kane ka sorkar MDA.
