La shai ka sngi kan sdang ka dorbar mang tyngka hapoh parliament na ka bynta 2019-20

New Delhi, Jylliew 16: Ka sorkar pdeng mynta ka sngi kala khot ia ka jingialang jong ki nongialam seng sain pyrthei baroh shi sngi shuwa ban sdang ka dorbar mang tyngka hapoh Parliament ka ban sdang la shai ka sngi.

Ha ka jingkren jong u Myntri rangbah duh jong ka Ri u Narendra Modi sha ki nongialam jong ki seng sain pyrthei u la kyntu ia baroh ban ia treilang bad ka sorkar hapoh iing dorbar ha kaba kin ia kren na ka bynta ka jingmyntoi jong ki paidbah ka ri.

Ha kane ka sngi u myntri rangbah duh jong ka Ri u la pdiang sngewbha ia baroh ki MP kiba dang shujop thymmai ha kaba u la ong ia ki nongialam ba kin peit hato kum ki nongmih khmat kila lah ne ban pynurlong ia ka jingangnud jong ki paidbah, namar ngi dei naka bynta u paidbah yn nym lah ban long ban pynthud ia ka jingiashong dorbar hapoh Parliament.

U myntri rangbah duh jong ka Ri India u la kyntu ia baroh ki nongialam jong ki seng sain pyrthei ban ia trei lang bad ka sorkar ban pynlong ia ka Ri India kaba kiew ha baroh ki liang ha u snem 2022. U Modi u la ong ba ka sorkar bara bor ka sngap ia ka mat ia kren kiba la wanrah da ki seng sain pyrthei bad ia ki mat kiba ia dei bad ka Ri la juh wan rah ban ia kren hapoh iing dorbr.

U myntri ba dei peit ia ka tnad  Parliamentary Affairs, U Pralhad Joshi haba kren haki lad pathai khubor ha dien ka jingialang u la ong ba ka jingiakren baroh ka long ba kumno ban pyniaid beit iaid ryntih ia ka iing dorbar.

La iathuh ba ha ka sngi sdang jong ka iing dorbar kan don ka jingbam smai jong ki MP bala jop thymmai, ka jingjied ilekshon speaker, ka jingkren ai khublei ia ka jingkren u president. Ia ka mang tyngka yn wanrah hapoh parliament ha ka 5th Naitung 2019.

 

What Next?

Recent Articles

Leave a Reply

Submit Comment

*