Shillong, Iaiong 11: Ka jingiathep vote hapoh jong ka Garo Hills Autonomous District Council (GHADC) kan long la shai ka sngi ha kaba ki paidbah ka Garo Hills kin jied ia ki 29 ngut ki MDC sha katei ka iing dorbar.
Na ka liang jong ka tnad District Council Affair jong ka sorkar jylla kala pynkhreh ban peit ba ka ilekshon la shai ka sngi kan long kaba iaid beit iaid ryntih ha baroh ki jaka thep vote ha ryngkat ka jingdon ki pulit ban pahara.
Ki seng sain pyrthei kiba la pynieng kyrtong ha kane ka MDC ilekshon sha ka iing dorbar jong ka GHADC, ki long ka party Congress 29 ngut, ka NPP 29 ngut, BJP 21, NCP, ka UDP 18 ngut bad ki kyrtong shimet ruh ki don ha kane ka jingiakhun ia kane ka ilekshon.
