Shillong, Jylliew 03: Ka tnad Political department kala dep ban pynbiang ia ki jingdon kam baroh ha kaba ia dei bad ka jingpynkiew kyrdan ia ka Ranikor Administrative Unit sha ka kyrdan Ranikor Civil Sub Division, kaba sah mynta ka long sa tang ban pynmih ia ka jingpynbna sorkar.
U Commissioner Secretary jong ka Political Department u Bah S Kharlyngdoh haba kren ha u SP News Agency u la iathuh ba na ka liang jong ka Political Department kala dep ban pynbiang ia ki jingdon kam baroh kaba sah ka long satang ban pynmih ia ka jingpynbna sorkar.
La ong ba ia kane ka jingpynbna sorkar yn sa leh ha kine ki sngi ha kaba ia dei bad kane ka jingpynbna ha kaba ia dei bad ka jingkyntiew kyrdan ia ka Ranikor Administrative Unit sha ka kyrdan Ranikor Civil Sub Division. Hynrei kiwei ki lad khubor ki iathuh ba kane ka jingpynbna sorkar ka lah ban mih la shai ka sngi.
Ka jingpynkhreh ban plie ia kane ka Ranikor Civil Sub Division kala iaid sha khmat kumba la pynbeit ba ia ka jingplie ia kan long ha ka 10 tarik mynta u bnai da u myntri rangbah ka jylla u Conrad ka Sangma.
