Shillong, Risaw 25: U Bah Himalaya Shangpli
ang u IAS ophisar u ba la shongthiat noh na ka kam sorkar ha kine ki khyndiat sngi kiba la dep la shai ka sngi un rung noh sha ka seng Congress na ka bynta ban ia khun ia ka MLA Election ha u snem 2018 na ka Mawsynram Constituency.
Katkum ki lad khubor kiba la lah ban ioh la ong ba u tei u rangbah yn pyniasoh bad ka seng Congress la shai ka sngi ha ka jingialang ka ban long ha Congress Bhavan ha Shillong. Da kane ka jingrung jong u Bah Hima kaba ki paidbah ka thain ki ia khot ieit kan dang pynkhlain shuh shuh ia ka seng congress hapoh jong ka Mawsynram Constituency.
Da kane ka jingrung sha ka seng Congress kala thikna ba ia ka Tiket jong ka seng Congress na katei ka Constituency kan leit sha u Bah Hima. Ka jingkwah jong u Bah Hima ban ia shim bynta ha ka sian pyrthei kam dei kaba dang thymmai hynrei naduh kine ki snem kiba la leit noh ruh u la don ia kata ka jingthmu ban ia don bynta ha ka sian pyrthei.
