Shillong, Nailur 03: U myntri rangbah ka jylla Meghalaya u Conrad K Sangma la shai ka sngi yn ai ia ka shithi hiar shuki kum u MP jong ka 2-Tura Parliamentary Constituency ha ka shongknor Lok Sabha ka Sumitra Mahajan.
Na ka liang jong u myntri rangbah ka jylla mynta ka sngi u la pan por na ka shnongknor jong ka Lok Sabha ban ia kynduh la shai ka sngi ba un ai ia ka shithi hiar shuki kum u MP ha dien ba u la jop ia ka MLA elekshon shiteng samoi na ka 51-South Tura Assembly Konstitwensi.
La ong ba namar ka shongknor jong ka Lok Sabha kan dang poi la shai ka sngi sha ka nongbah Delhi, ia ka por ba u myntri rangbah ka jylla un leit ban ia kynduh ba aiti ia ka shithi hiar shuki ym pat lah ban pynthikna.
Ha dien ba u myntri rangbah un ioh ban ai ia ka shithi hiar shuki ka jong u ha ka shongknor jong ka Lok Sabha, yn wan phai noh sha Shillong ha kaba un sa shim ia ka jingbam smai kum u MLA jong ka iing dorbar thawain ka jylla ha ka sngi Balang.
