La shai ka sngi yn pdiang burom ka NPP ia ki 8 ngut ki MLA ha ka jingialang paidbah ha Polo

Shillong, Kyllalyngkot 03: Ka jingialang paidbah jong ka seng NPP ban pdiang burom ia ki phra ngut ki MLA sha ka party kan long la shai ka sngi ha Madan Polo ha kaba ki phra ngut ki MLA kiba la hiar shuki kin rung sha ka party la shai ka sngi lem bad ki nongbut jong ki.

Kine ki phra ngut ki MLA, ki long u bah Prestone Tynsong na Pynursla,  bah Ngaitlang Dhar na Umroi, bah Sniawbhalang Dhar na nartiang, bah Rowell Lyngdoh na Mawkyrwat, Bah Comingone Ymbon na Raliang, bah stephanson Mukhim na Amlarem bad u Bah Remingtone Pyngrope na Mawkynrew.

Katkum ki thymmei khubor kiba ia jan bad ka NPP la ong ba ia kine ki phra ngut ki MLA yn pdiang burom ia ki ha kane ka jingialang paidbah da u National President jong ka seng u Conrad K Sangma u ba dei ruh u MP jong ka Tura. Na ka liang jong ka NPP ka kyrmen ba la shai ka sngi da ki hajar ngut ki nongkyrshan kin ia poi sha kane ka jingialang paidbah.

What Next?

Recent Articles

Leave a Reply

Submit Comment
*