Shillong, Nohprah 29: La shai ka sngi ka jylla Meghalaya kan sa rakhe ia ka lyngkhuh sngi iap ba 157 snem jong u ne u khlawait u ba la ia leh pyrshah ia ki phareng kiba la ban bein ia ki paidbah khasi pnar.
Ha kane ka nongbah Shillong ka seng samla pule Khasi Student’s Union (KSU) kala tei ia u mot jong u tei u riew khraw ha pyrshah jong ka Civil Hospital Shillong kum ka dak ban kynmaw burom ia une u nongialeh laitluid jong ka Ri Khasi.
Ka KSU mynta u snem kala phah ban pynra noh ia ka durmot kaba la dep ban shna ha kine ki snem bad mynta kala phah ban shna thymmai ia kaba yn sap lie paidbah la shai ka sngi ha katei ka juh ka jaka.
Na ka liang jong ka seng KSU ka khot kawer ia baroh ban ia poi lang ha kane ka jingplie thymmai ia u dor mot jong u Kiang Nangbah la shai ka sngi ha khmat Civil Hosptial Shillong ha ka por 12.00 baje shiteng sngi.
