Shillong, Nohprah 20: Ka jingdie ia ki tiket na ka bynta ban leit peit kai ia ka jingialehkai hapdeng ka Shillong Lajong FC bad ka Neroca FC ka ban long ha ka 23 tarik mynta u bnai kan sdang naduh la shai ka sngi ha kane ka I-League.
Ki team kiba ka Shillong Lajong FC kaba kan hap ia lehkai pyrshah hapoh ka jylla lajong nalor ka Neroca FC ki dang don sa ka Chennai City, Indian Arrows, Minerva Punjab, Mohun Bagan, Aizawl FC bad East Bengal FC. Iaki tiket lah ban ioh na ka dukan Mobile Centre, Police Bazaar, Sports Spirit, Muda Complex and AL’s Seat Cover, Mawlai Nongpdeng.
Ka dor ka long, Open Gallery A & B: Rs. 300, Open Gallery C: Rs.200, Covered Gallery D1 & D2: Rs.700, Covered Gallery D3 & D4: Rs.500, VIP: Rs.2000. Na ka liang jong ka Shillong Lajong ka ong ba kane ka dei ka kabu ia ki nongkyrshan ba kin poi ban ai ka jingkyrshan ia ka Shillong Lajong.
Ka Shillong Lajong ha kane ka jingialehkai mynta ka don ha ka kyrdan ba ar kala ioh 10 point na ki san tylli ki jingialehkai bad ki dang sah sa hynniew tylli ki jingialehkai hapoh ka jylla la jong ha kane ka I-League. Ka jingialehkai bad ka Neroca FC jong ka jylla Manipur kan long ka jingialehkai kaba lai ha ka sngi Saitjain ha ka por 2 pm, ha JN Stadium Shillong.
