La shai ka sngi yn thep Nomination u Dr Jemino kum u kyrtong MLA na ka party UDP

Shillong, Lber 19: U Dr Jemino Mawthoh kyrtong MP bala pynieng da ka party UDP bad da ka jingkyrshan lang jong kiwei ki party riewlum kiba ia don lang ha ka sorkar Meghalaya Democratic Alliance (MDA) un thep ia ka nomination jong  u la shai ka sngi ha Shillong na ka bynta ka 1-Shillong Parliamentary Constituency.

Haba kren ha u SP News Agency na ka liang jong u Dr Mawthoh  u la iathuh ba ia ka nomination jong u yn thep la shai ka sngi ha ka por ar baje noh noh phai sngi, ha kaba ki nongialam jong ka party naduh ki myntri ki MLA bad ki nongkyrshan jong ka party kin ia don lang la shai ka sngi.

U Dr Mawthoh, u dei u kyrtong jong ka party UDP, ka seng kaba ia don lang ha kane ka sorkar MDA kaba la ialam da ka party NPP, kum ka jingkyrshan ia ka party UDP na ka liang jong ka NPP kam shym la pynieng kyrtong na ka Shillong Parliamentary Constituency.

Kum ka jingburom mar kylliang ka party UDP kala shim ia ka rai ban nym pynieng kyrtong na ka 2-Tura Parliamentary Constituency bad ka UDP kan kyrshan ia ka samla Agatha Sangma ka kyrtong jong ka party NPP ka ban ia khun ia kane ka MP ilekshon na Tura.

What Next?

Recent Articles

Leave a Reply

Submit Comment

*