Shillong ,Naitung 23: Ki nongtrei Jugali kila rai ban pynlong ia ki jingiakhih da kaba sangeh trei kam khlem buh por hadien ba ka Meghalaya Energy Corporation Limited (MeECL) kam lah ban ai noh ia ki shithi thung kam sha kiba dei hok ban ioh ia ka kam.
Ka Khun Hynniewtrep National Awakening Movement State Youth Wing (KHNAM SYW) kaba la kyrshan ia ka jingiakhih ki nongtrei jugali ka shim ia ka rai ban shong kyllain myngngor khlem buh por ha khmat khyrdop ophis ka MeECL naduh sngi nyngkong.
Kum ban shu pynkynmaw kiba bun na ki Jugali ki trei kum ki kontrak la bun snem ha MeECL. Ka MeECL ka la pynlong ia ka eksam ban pyndap ia ki 722 tylli ki jaka ba thylli ha ka post linemen ha u snem 2011 hynrei ia ka result la pynbna mynshem snem hadien ka jingiakhih ba jur da ki kyrtong.
Na ki 772, tang 290 ngut ki kyrtong ki la ioh ia ka shithi thung kam haduh kine ki sngi. “Ki kyrtong kiba la leh bha ha ka eksam ki dang iai ap ban ioh noh ia ka shithi thung kam na ka MeECL bad ka jingkut por ban thung ia ka kam kan kut ha ka 2 tarik u Nailar, la ong u Bah Thomas. Kum ka dak ban pyrshah ka KHNAM SYW ka la pyntip sha baroh ki kyrtong ba kin wan ban ia snoh kti lang ha kane ka jingiakhih.
