La shai kin leit dawa ILP na u myntri kam poh iing ka sorkar India rai ka RDA: Paul

Shillong, Nohprah 11: Mynta ka sngi ka Regional Democratic Alliance (RDA) kala ia kynduh ban ia kren halor ka jingmih na ka jingpdiang jong ka sorkar pdeng ia ka ia ka Citizenship Amendment Bill, 2019 ha baroh ar tylli ki iing dorbar thawain jong ka Ri India.

Haba kren ha ki lad pathai khubor u Working President jong UDP mynta ka sngi u la iathuh ba ka party UDP bad ka HSPDP kiba don ha ka RDA la shai ka sngi kin leit ban ia kynduh ia u myntri kam poh iing jong ka Ri India u Amit Shah ban kyntu ia ka sorkar pdeng ban pynlait ia ka jylla Meghalaya baroh kawei na ka CAB.

Ha kane ka jingiakynduh la shai ia u myntri kam poh iing ka sorkar pdeng kin dawa ruh ba dei ban pyntrei kam noh ia ka ILP ha ka jylla Meghalaya, ha ka juh ka por kin kyntu ia ka sorkar pdeng ba kan pynbor ia u Lat jong ka jylla ba un ai noh ia ka jingmynjur jong u ia ka MRSSA Ordinance.

Na ka liang jong ka RDA ha ka jingialang mynta ka sngi kila pynpaw ba ki pyrshah ia kane ka jingpdiang da ka sorkar pdeng ia ka CAB. Ka jingleit la shai ka sngi ka long ban ia kren bad u myntri kam poh iing ka sorkar pdeng ban dawa ba dei ban don shuh ki lad jingiada ia ki rit paidbah.

La ong ba ka jingdon hok jong ki paidbah ka thain shatei lam mih ngi jong ka Ri India ba ioh ia ka jingiada ba kyrpang ka long halor ki lai tylli ki bynta, ka jingduna ha ka liang jong ka ktien, ka jingduna paid bad ha ka jingduna ki briew ha ka niam. Kine ki bynta ka long ba ki rit paid ki dei ban ioh ia ka jingiada.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet