La shai yn ia kynduh ka MDA, ha JHADC ka NPP, ha KHADC ka UDP ban thaw EC thymmai

Shillong, Lber 02: Ha kane ka MDC ilekshon sha KHADC ki paidbah kin shym la ai ha kano kano ka party ba kan ioh ban thaw ia ka EC tang kawei ka party, hynrei kane ka jingjop mar khyndait ngut ki MDC na ki ba bun ki party kala pynlong ba kan wan ka EC khleh khawlang ha KHADC.

Tang mar ia dep niew vote mynta ka sngi na ka liang jong ki nongialam seng sain pyrthei kila sdang ban ia kren hapdeng ki nongialam party ban thaw ia ka EC ha KHADC, katkum ki thymmei khubor la sngewthuh ba ha KHADC ka UDP kan ioh ban ialam ia ka EC da ka jingkyrshang lang jong ki party kiba don ha ka sorkar MDA.

Ki party kiba jop ha ka KHADC ka long 7-NPP, 6-UDP, 2-HSPDP, 1-PDF, 1-IND baroh ki long 17  ngut ban thaw ia ka EC don kam 16 ngut ha ka iing dorbar kaba 29 ngut. La sngewthuh ba ki ar ngut ki Independent u bah Latiplang Kharkongor bad u bah Teibor Pthaw ruh kin kyrshan lang ia ka kynhun MDA.

Ki thymmei khubor kiba ia jan bad ka NPP bad kum juh bad ka UDP, wat la ka jingiakynduh kum ka kynhun MDA kan dang long la shai ka sngi, hynrei kala don ka jingiakren ba ha JHADC kan ialam ka NPP ia ka EC bad ha KHADC kan ialam ka UDP.

La ioh jingtip ba mynta ka miet kan don ka jingiakynduh lang jong baroh ki seng riewlum ka UDP, HSPDP, PDF ha iing jong u shongknor ka iing dorbar thawain ka jylla u Dr Donkupar Roy u ba dei ruh u president ka UDP ban ia kren halor katei ka phang ban thaw EC.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet