Shillong, Lber 03: Ka jingiakynduh jong ka kynhun ki seng sain pyrthei kiba don hapoh jong ka Meghalaya Democratic Alliance(MDA) kan long la shai ka sngi ha kaba baroh ki MDC kiba dang shu jop thymmai ruh kin ia don lang, kane ka kyntup ia ka NPP, UDP, PDF, HSPDP.
Katkum ki lad khubor kiba la lah ban ioh la pynsngew ba ha kane ka jingiakynduh jong ki MDC kiba don hapoh RDA kiba don shiphew ngut bad la shai ka sngi ki hynniew ngut ki MDC kiba dei na ka NPP ruh kin ia don lang ha ka jingialang jong ka kynhun MDA ban ia kren ha kaba ia dei bad ka jingthaw ia ka EC hapoh jong ka KHADC.
Ki thymmei khubor ki pynsngew ba ha kane ka jingialang jong ka RDA mynta ka sngi kila ia kren ba kin pan na ka MDA ba ia ka EC hapoh jong ka KHADC ka dei ban ialam da ka UDP kaba la don 7 ngut ki MDC mynta bad ha JHADC ka NPP kaba don 12 ngut ki MDC kan iala ia ka EC.
