Shillong, Kyllalyngkot 16: U myntri rangbah ka jylla Meghalaya u Conrad K Sangma la shai ka sngi un ialam ia ka kynhun sorkar MDA sha Delhi ban ia kynduh ia ki bor jong ka sorkar pdeng ban pynpaw ia ka jingpyrshah ha kaba ia dei bad ka jingpyrshang jong ka sorkar pdeng ban pynlong ain ia ka Citizenship (Amendment) Bill, 2016.
Ka sorkar jylla Meghalaya naduh ba sdang kala dep ban shim ia ka rai hapoh jong ka kabinet ba ka pyrshah ia kane ka CAB, 2016 bad la shai ka sngi na ka liang jong ka sorkar MDA hapoh ka jingialam jong u myntri rangbah u Conrad kin leit sha Delhi ban pynpaw ia kane ka jingpyrshah hapoh ka sorkar pdeng.
U myntri rangbah ka jylla u Conrad K Sangma yn leit ruh ban ia shim bynta ha ka jingialang jong baroh ki myntri rangbah ka dong shatei lam mih ngi jong ka Ri India ia kaba la khot da myntri kam poh iingjong ka Ri India ban ia kren halor kane ka CAB, 2016.
Lah ban pynkynmaw ba ka Lok Sabha kala pdiang ia kane ka Citizenship (Amendment) Bill, 2018 ha ka 8 tarik mynta u bnai bad la rah ia ka sha Rayja Sabha ia kaba la buh teng mynta. Ka jingpyrshah ia kane ka Bill kam dei tang na ka jylla Meghalaya hynrei na kiwei ki jylla jong ka thain shatei lam mih ngi jong ka Ri India.
