La shai yn ialam u Conrad ia ka MDA sha Delhi ban ia kynduh ia u Amit Shah halor ka ILP

Shillong, Rymphang 17: Ka United Democratic Front (UDF) kawei na ki kynhun kaba don lang ha ka sorkar Meghalaya Democratic Alliance (MDA) mynta ka sngi kila leit ban ia kynduh ia u myntri rangbah ka jylla u Conrad K Sangma ban buddien ia ka rai ka iing dorbar ban pyntreikam noh ia ka Inner Liner Permit (ILP) ha ka jylla.

Ki seng sain pyrthei kiba don ha ka UDF ki long ka PDF, KHNAM, NCP bad MLA shimet bah Lambor Malngiang, kiba don lang ha kane ka sorkar MDA.

Haba kren sha ki lad pathai khubor hadien ba la kynduh ia myntri rangbah, u bah Banteidor Lyngdoh u la iathuh ba ka jingwan iakynduh jong ki ia u myntri rangbah ka dei hadien ba kila dep buh sngi naduh kham mynshwa.

Ka jingiakynduh na ka liang jong ka UDF ka long beit ban kyntu bad ban pynkdynmaw ia u myntri rangbah halor ka ILP kumba la rai da ka iing dorbar thawain ka jylla. Ha kane ka jingiakynduh kila kren ia u myntri rangbah ban leit iakynduh noh ia u Amit Shah u myntri tnad kam pohiing ka sorkar pdeng.

La iathuh ba la shai ka sngi  u myntri rangbah un ialam ia ka kynhun ka MDA sha Delhi ban wad lad ban ioh iakynduh ia u Amit Shah. Ha kane ka jingiakynduh ia u myntri rangbah kila pynsngew ban ia kynduh ia u myntri kam poh iing ka sorkar pdeng kum ka kynhun. La iathuh ba la shai ka sngi kin mih ban leit sha Delhi.

U la ong ba ha kane ka sien, ym tharai ba u Amit Shah un kyntait ban iakynduh kumba u la dep ban wan biang hadien. Ki kyrmen ban kynduh kumba la dep ong ma u mynshwa ban khot iakynduh ia ka kynhun MDA. U bah Banteidor u la ong ba  ka UDF ka la shim khia bha ia kane ka kam kumba ka sorkar ruh ka shim khia bha.

U bah Lambor Malngiang u la ong ba ba ki la kren shai ba hadien ba la shim  ka ing dorbar da ka rai halor ka ILP, kila rai na ka liang ka sorkar ban buddien ia kane ka kam. Kum ka kynhun kim sngew artatien bad ki kyrmen ban ioh ban iakynduh ban ioh ia ka jingdawa ki paidbah ban pyntrei kam ia ka ILP ha Meghalaya kumba la dawa da u paidbah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet