Shillong, Risaw 02: U Deputy Commissioner jong ka West Khasi Hills District Meghalaya la phah ia ka shithi sha u Deputy Commissioner jong ka Kamrup ka jylla Assam ban pyntip ba ka Boundary Committee na Meghalaya kan poi sha Guwahati la shai ka sngi ban ia kren halor ka kam pud kam sam.
Ban bteng ia ka jingiaka jingpynbna jong ka sorkar, ka ophis jong u Deputy Commissioner jong ka West Khasi Hills District ka pyntip ba ki dkhot jong ka Boundary Committee na ka jylla Meghalaya ba dei ia ka West Khasi Hills District kin poi la shai ka sngi sha Guwahati ban bteng ia ka jingiakren.
Ka kynhun na ka boundary committee jong ka West Khasi Hills District, ki kynthup ia u bah R L Tongkhar mytnri kum u shnongknor, bah Macmillan Byrsat, bah Gigur Myrthong, bah Kimfa S Marbaniang kiba dei ki MLA, u bah Tableland Lyngwa, Deputy Commissioner, bah Herbert G Lyngdoh Superintendent ki pulit, bah K P Pangniang EX MLA, bad u P D Sangma SDO ka Mawsyhynrut Civil Sub Division.
