Shillong, Rymphang 20: Ha dien ka jingpynshai jong u bah Titosstar Well Chyne CEM jong ka KHADC, halor ka RTI ba la ioh da ka seng HYC bad ka ophis kam shym leh bakla dei tang na ka daw ba khlem ai lut ka ophis u PIO ia ki kot sha ka seng.
Haba ia dei bad kane ka seng HYC kan leit ban ia kynduh ia u CEM jong ka KHADC la shai ka sngi ban ia kren mar khmat bad ban ioh ia ka jingshai kaba thikna halor kane ka jingioh pdiang ka seng ia ki kot ki sla katkum ka RTI kaba ka seng kala pan bad la ai shaki ia ki jingtip na ka ophis.
Na ka liang jong ka seng HYC ka kren katkum ki kot kiba la ioh pdiang na ka ophis jong ka KHADC katkum ka RTI kaba kila pan bad kane kala wanrah ia ka jingiakynthoh ha kine ki khyndiat sngi ha ki lat pathai khubor.
U President ka seng kmie u bah Robertjune Kharjahrin u la ong ba halor kane na ka liang jong ka seng kan leit ban ia kynduh ia u CEM jong ka KHADC la shai ka sngi ban ia shai halor ka tang jaid ia ki san tylli ki jaid katkum ka RTI ba ka seng kala ioh pdiang.
