Shillong, Nailur 04: Ki kmie ki kpa jong ki samla kiba la shah jied ban leit pule doctor na ka bhah jong ka sorkar jylla kila rai ba la shai ka sngi kin leit ban ia kynduh ia u myntri rangbah ka jylla u Dr Mukul Sangma ban pan jingpynshai na u halor kane ka jingkyntait jong ka sorkar Assam ban pdiang ia kine ki samla pule ka jylla Meghalaya ha ki Medical College kiba don ha Assam.
Na ka liang jong ki kmie ki kpa mynta kila leit ban ia kynduh ia u Chief Secretary jong ka jylla u Y.Tsering, hynrei ha kane ka jingiakynduh na ka liang jong u ruh ym shym lah ban ai kano kano ka jingshai, hynrei la iathuh ba na ka liang jong ka sorkar kala shim khia ia kane ka kam.
Ha ka jingiakynduh lang ka jong ki ha khmat secretariat ha dien ba la ia kynduh ia u Chief Secretary kila rai ba la shai ka sngi kin leit ban ia kynduh ia u myntri rangbah bah ka jylla ban pan jingpynshai bad lada ka sorkar kam lah kim banse ban mudui sha iing bishar pyrshah ia ka sorkar jylla.
