Shillong, Jylliew 04: Ki lai ngut ki samla na kane ka jylla Meghalaya kila seng ia ka kompnei Saindur Enviro ban pyniaid iew ia ki pla “SE Organic” ban bujli ia ki pla plastic kiba la pynjaboh ia ka mariang kumba ka long mynta.
Haba kren ha ki lad pathai khubor mynta ka sngi ka kong Wansuk Lapasam kawei na ki director jong katei ka kompani kala iathuh ba ia kine ki pla ki bymd ei ki plastic yn sa pynlait paidbah la shai ka sngi ha St Edmund Shillong.
U Bah Napolean Mawphniang, u wei na ki director u la iathuh ba ia mynta ki dang hap ban wan rah na Maharashtra ia kine ki pla bad ha ka juh ka por kila dep ban pan jingbit na ka sorkar jylla ban shna ia kine ki pla hapoh kane ka jylla Meghalaya lada ka sorkar ka ai jingbit kin shna noh ia ki ha kane ka jylla.
U Vivek Kumar u ba dei lang ha kane ka kompeni kum u Director u la iathuh ba kane ka pla ka don kiba rit naduh ban thep waidong haduh kiba lah ban rah tiar haduh 7 kilo. La ong ba kine ki kin kham rem hynrei kine ki pla kin pyut noh lada buh ha khyndew hapoh ka 180 sngi.
Haba jubab ia ki jingkylli la ong ba kila poi sha kane ka kam ka dei namar ba ki don ka jingsngew ieit ia ka mariang bad baroh mynta ki ia kren kumno ban iada ia ka mariang, ban pynlait ia ki pla plastic dei sa tang kane ka lad ia mynta, kine ki SE Orgnic Bag ki dei ki pla kiba long kum ki pla plastic, ka jingiapher ka long ba kine ki pla ki pyut noh lada bret ha khyndew.
