Shillong, Lber 05: Ka Co-ordination committee jong ki nongtrei jong ka sorkar pdeng hapoh jong ka lama Co-Ordination Committee of central Government Employee’s and Workers, Meghalaya la shai ka sngi kin pynlong ia ka jingiakhih da kaba deng lama iong.
Ha ka 16 tarik mynta u bnai pat kin pynlong da ka jingsangeh trei kam ha baroh ki tnad jong ka sorkar pdeng, ban ai ka jingkyrshan halor ki 21 tylli ki mat jingdawa kiba ia dei bad ka 7th Pay Commission jong ka sorkar pdeng.
Ka jingdawa kaba kaba ha khmat kaba kila buh ka long ba ka sorkar pdeng ka dei ban pynkiew ia ka dor bai trei sngi, ban pynkiew ia ka HRA da kaba pynneh ia ka 30%, 20% bad 10% ha ka juh ka por ban buh ia ka bai kali jong ki nongtrei kiba long ki jingduna hapoh jong ka pay commission kaba hynniew.
Iaki nongtrei jong ka iing dak dei ban niew ia ki kum ki nongtrei sorkar , la bethah ia baroh ki nongtrei jong ka sorkar pdeng kiba don hapoh jong kane ka jylla Meghalaya baroh kawei ba kin but ia kane ka jingbethah jong ka seng. La ong u Ramani Bhattacharyya General secretary jong ka C-O-C jong ka jylla Meghalaya.
