La sngi ba ar ngan khot ia ka Kompeni GVK halor ka jingiakhih ki nongtrei:AL Hek

Shillong, Naiwieng 01: U myntri ka koit ka khiah jong ka sorkar jylla u bah AL Hek ha dien ka jingiakynduh bad ki nongialam jong ka seng FKJGP, KSU bad ki nongialam jong ka MEMRIWU mynta ka sngi halor ka jingiakhih shah thngan ki nongtrei ban pyrshah ia ka GVK kompeni kaba pyniaid ia ka 108 Ambulance ha ka jylla u la ong ba yn khot ia ka GVK ha ka san tarik mynta u bnai kata la sngi baa r.

Haba kren ha ki lad pathai khubor ha dien ka jingiakynduh bad kitei ki nongialam, u Bah Hek myntri ka koit ka khiah u la ong ba ia kane ka jingiakynduh ym dei ban khot ma u hynrei dei ka FKJGP kaba kwah ban ia kynduh ha kaba la wan lang ka KSU bad ki nongialam jong ka MEMRIWU.

La ong ba kane ka jingiakynduh ka long kaba sei soh la kam u myntri ha kaba ki sngewthuh ia ka jingeh jong ka sorkar bad ka sorkar ruh ka sngewthuh ia ki jingeh kiba ki nongtrei ki ia kynduh. La iathuh ba ha kane ka jingiakynduh kilabuh ha khmat phra tylli ki jingdawa bad ki don kiba sngew shongnia bad ki don kiba ka sorkar ka hap ban peitbniah ia ki jingiateh kular.

Ka mat kaba ki la buh ha khmat eh ka long ha kaba ia dei bad ki kali Ambulance kiba la don mynta ha ka jingma, haba ia dei bad kane na ka liang jong ka sorkar kan sa piet bad ka jingkwah ka sorkar ka long ba ki kali ambulance ki dei ban long kiba iaid bad halor ka jingpeit ia ki kali kan dei ka kompeni na ka sorkar ia kata un dang hap ban peit ia ka jingiatehkular.

Kila dawa ruh ia kata ka kyndon ba ia dei bad ka por treikam ia kane yn nym lah ban ong ei ei namar ka shong ha ka jingiasoi jong ki bad ka kompnei ha ka por ba ki rung kam, haba ia dei bad ka rukom trei kam ia kata u myntri u la ong bay m sngewthuh ka mut kumno.

Haba ia dei bad ka polisi ia kane ka sorkar kan sa peit, haba ia dei bad ka tulop kata ka shong ha ka jingpynbeit jong ka kompeni kaba pyniaid ia ka bad kumjuh ha kaba ia dei bad ka jingpynkiew tulop kaba 30% man la u snem kane ruh ka hap hapoh ka jingpeit jong ka kompeni ia kaba ka sorkar kan nym lah ban tuklar.

Haba ia dei bad ka jingpynkynriah kam na ka liang jong u myntri ruh u sngew iahap jingmut ba ia ka jingpynkynriah kam ka dei ban long katkum ka jaka ia kiba na Garo Hills ka dei bna long tang ha garo Hills bad ia kiba na Khasi Jiantia ki dei ban long tang hapoh khasi Jiantia.

Haba ia dei bad ka jingbym lah ka kompnei ban kyntiew ia ka tulop naduh u snem 2017, halor kane u myntri u la ong ba ka sorkar ka hap ban peit balei kane ka sah. Haba ia dei bad ka jingleit buh ia ki nongtrei haba la miet hap ban leit bad khamtam ia ka jingshngian ki kyhthei dei ban don. Ia kane hap ban peit.

La ong ba na ka liang jong ka sorkar kan ia kren shuwa bad ka GVK Kompnei ha ka san tarik mynta u bnai ban peit na ka bynta ka jingiabit ia biang lang namar. U Myntri u la ong ba u hap ban peit ia ki kyndon kaba ka sorkar kala iasoi bad ka GVK Company, ha dien kata yn sa khot ia ka jingialang.

Na ka liang jong u myntri u la ong ba ha kane ka jingiakynduh mynta ka sngi u la kyntu ba lada long kaba lah ba kin sangeh noh ia kane ka jingiakhih jong ki katba ka jingiakren ka dang iaid hynrei u bah Roipar Kharraswai nongialam ong ba kin beteng kaba kim pat dep iaka jingiakren. U myntri u la ong haba kin treh ban sangeh yn nym lah ban pynbor ia ki.

What Next?

Recent Articles

Leave a Reply

Submit Comment

*