La sngi palei yn ia khih ka MPWU ba sngap mynthi ka MeECL ia ki jingdawa

Shillong, Iaiong 10: Ki nongtrei bylla ka MeECL hapoh ka lama jongka ka MPWU ( MeECL Progressive Workers Union) kin sdang ia ka jingiakhih jong ki naduh ka 12.04.18. Kum ka dak ka jingpyrshah ia ka jingsngap mynthi jongki bor ba halor jongka MeECL ia ki mat jingdawa jong ka union.

Ki mat jingdawa jongki nongtrei ki long ban regularised ia ki nongtrei bylla, ban pyntrei kam ia ka rai ka Supreme Court ha kaba ia dei bad ka Equal pay for equal work, ban siew noh kloi ia ka bainong sngi kat kum ka dor jong ka minimum wages bad ka arear ki nongtrei Mandays, ban ioh ia ki lad jingiarap ha ka pang ne shitom (ESI), ban ai shuti ia ki nongtrei (CL) ,shuti kha khun ia ki kynthei (Maternity leave), ban siew ia ka Provident fund, bad kumta ter ter.

Kum ban shu pynkynmaw, ki nongmihkhmat na ka liang ka management ha ka jingiakren bad ki nongialam ka Union ha ka meeting kaba la long ha ka 07.12.17 , ki la kular ha kato ka por ban siew noh shwa ka Christmas tang ia ka bainong sngi kaba dei kat kum ka dor ba la buh da ka sorkar bad ban siew dep noh ia ki arear kiba dang sah.

Ia kiwei kiwei ki mat jingdawa ki la kular ba ka management kan sa pyrkhat sani bha bad ka jingiakren (Negotiations) kan sdang biang ynda la dep election. Hynrei phewse haduh mynta na ka liang ka management ka dang sngap jar wat hadien ba la pynkynmaw ia kaei kaba la dep iakren.

Kane ka jingleh mynthi ki bor ba dei peit ka MeECL ka la pynbor ia ki nongtrei bylla ban shim ia ka rai ban sdang ki jingiakhih ka ba lah ban kynthup ruh ia ka jing sangeh treikam.

What Next?

Recent Articles

Leave a Reply

Submit Comment

*