La sngi tohdieng khot hajir u Myntri kam poh iing ia u IG ki BSF ba shah rah bor briew na Nongjri

Shillong, Naitung 11: U Bah HDR Lyngdoh myntri kam poh iing ka jylla ha ka jingiakynduh bad ki dkhot jong ka seng KSU jong ka South West Khasi Hills District ban ia kren halor ki jingshah rahbor jong ki briew na ka thain Nongjri sha ki nong Bangladesh, na ka liang jong u myntri kam poh iing u la iathuh ha ki dkhot ka KSU ba ha ka sngi thohdieng u la khot hajir ia u Inspector General jong ki BSF ba deipeit ia ka Eastern Frontier ban ia kren halor kine ki jingjia.

Ha ka juh ka por na ka liang jong u myntri kam poh iing u la kular ia ki dkhot jong ka KSU ba ka sorkar kan sa pynsted ban plienoh ia ka Nonghyllam Police station ban wanrah ia ka jingshong shngian ha katei ka thain bad haba ia dei bad u Dajied Kynsai Syiemlieh u myntri u la ong ba ka sorkar kala shim khia ia kane ban wanrah noh ia u na Bangladesh ia u ba la ioh ban pynlait da ki BGB jong katei ka Ri.

Na ka liang jong u Bah Forwardman Nongrem president u ba la ialam ia kane ka kynduh u la ai ia ki mat jongdawa kaba ka seng kala buh ha khmat jong u u myntri kam poh iing ka jylla u Bah HDR Lyngdoh ka long ba ka sorkar ka dei ban plie noh ia ka police station ha Nonghyllam ban pynthikna ba kum kine ki jingshah rah bor kin nym don shuh nangne sha khmat.

Ka sorkar ka dei ban buh shibun ki purton pulit naduh Ranikor ter ter sha duh Nonghyllam, Umsur, Nongjri bad shaduh Nongkulang, ka sorkar jylla ka dei ban pynbor ia ki shipai BSF ban pynkhlain ia ka jingai pahara ha khappud bad ka Bangladesh ha kitei ki thain.

Ki Khar Bangladesh kila ioh ban rung ban mih katba ki mon ban wan tuh wan lute bad dawa pisa na ki briew ka thain bad kumba ka long mynta kila rah bor ruh ia lait ngut ki Briew, u Bah Diner Syiemlieh, u samla Dajied Kynsai Syiemlieh bad ha kine ki sngi kila rah bor ia u Bah Ricky Marwein na shnong Umsur.

Katba ka sorkar kam pat lah ban pynbun ia ki pulit ha kane ka jaka kala dei ban phah ia ki pulit na Mawkyrwat ba kin pahara ha katei ka thain. Ha ka juh ka por ka sorkar ka dei ban pynsted ia ka jingiakren bad ka sorkar Bangladesh ban wanrah noh ia u samla Dajied Kynsai Syiemlieh na katei ka Ri sha la ka jong ka Ri ia kiba la ioh ban pynlait da ki shipai jong ka Bangladesh na kti ki nongrah bor.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet