Shillong, Nailar 06: u Director ka tnad ka koit ka khiah jong ka sorkar jylla u Dr Aman War mynta ka sngi u la pyntp ba haduh ka por 1.00 baje nohphai sngi baroh kiba la test COVID-19 Positive ha ka jylla ki long 51 ngut, ha East Khasi 17 ngut, 7 dei ki BSF, 1 pulit, 3 na ki kynhun shipai bad 6 ngut dei ki riew paidbah, West Garo Hills 14 ngut ki dei ki BSF, West Jiantia Hills riew paidbah bad Ri Bhoi 19 ngut, 15 ngut dei ki kynhun shipai bad 4 ngut dei ki Riew paidbah.
Haba batai ia ki 6 ngut ki riew paidbah kiba dei na East Khasi Hills, u wei dei u Pulit pyniaid kali une u ioh da ka jingiakynduh ia ki pulit na East Jiantia Hills, u don ha quarantine centre, lai ngut ki dei kiba trei ha ki hospital, 2 ngut na Civil Hospital bad 1 na NEIGRIHMS bad u wei dei ban wan phai na Bihar, katba kawei pat ka dei kaba die sha ha Police Bazar.
Haba ia dei bad kane ka die sha ha Police Bazar, kane ka briew kala sngewshitom bad kala leit ban shim dawai na Hospital bad haba la shim ia ka nongmuna na ka bad haba ka resolt kala mih la shem ba ka long positive, ha ba ia dei bad kane ka District Adminstration kan sa leh ia kaba don kam.
La iathuh ba ka jingdon ki nongpang ha ka jylla haduh mynta ka sngi ki long 640 ngut, na kine 498 ngut ki dei ha East Khasi Hills District, ki BSF 194, riew paidbah 243 bad ki kynhun shipai ki long 61 ngut. West Khasi Hills 5, Ri Bhoi 70, West Jiantia Hills 17, East Jiantia Hills 17, West Garo Hills 29 South West Garo Hills 2 bad ka South garo Hills 2.
Kiba la koit mynta ka sngi ki long 6 ngut, 5 ngut ki riew paidbah bad 1 BSF kine ki dei na East Khasi Hills District, kiba la koit baroh ki long 345 ngut. Ki samla kilba la shim mynta ka sngi ki long 39,782 bad kiba la test Negative ki long 38412 bad ka resolt kaba dang ap ki long 380 tylli bad ki briew kiba wan phai ki long 25,767 ngut.
