Shillong, Naitung 17: U Director ka tnad ka koit ka khiah u Dr Aman War mynta ka sngi u la pyntip ba baroh kiba la test COVID-19 Positive ha ka jylla Meghalaya baroh ki long 26 ngut, na kine 14 ngut ki dei ki shipai BSF, 5 ngut ki riew paidbah ha East Khasi Hills District bad 7 ngut ha Ri Bhoi District.
Baroh kiba la test COVID-19 positive ha ka jylla ki long 352 ngut, na kine ka East Khasi Hills ka don 307 ngut, ki BSF ki long 236 ngut, ki riew paidbah ki long 57 ngut, kiba dei na ka kynhun shipai ki long 14 ngut.
Ka jingtest COVID-19 Positive ha kiwei ki District ki long, ka Ri Bhoi 31 ngut, East Jiantia Hills 2 ngut, West Garo Hills 8 ngut, South Garo Hills 2 ngut, East Garo Hills 1, ka North garo Hills 1, baroh kiba la koit haduh mynta ki long 49 ngut.
Ha East Khasi Hills kiba la test COVID-19 positive mynta ka sngi ki dei kiba la wan phai na kiwei ki jylla jong ka Ri India, ki BSF 14 ngut bad kiba ha Ri Bhoi District 2 ngut ki dei na Byrnihat bad 5 ngut ki dei na Bardua.
