Shillong, Jylliew 10: U Myntri ka koit ka khiah u bah A L Hek mynta ka sngi u la iathuh ba baroh kiba don ka jingiadei kaba jan bad u rangbah ba shitom COVID-19 na Ri Bhoi ki long 43 ngut baroh la dep ban test ia ki bad ka resolt kaba la ioh ki long Negative.
U Myntri ka koit ka khiah u la iathuh ba ia kine baroh 43 ngut la phah leh quarantine. U ba shitom mynta u don ha pdeng ka jingsumar hapoh Robert Hospital Shillong bad u don hapdeng ka jingkhlain ka bor met.
Na ka liang jong ka tnad ka koit ka khiah ka dang wat ia ka tynrai ba kumno kane ka jingshitom ka wan namar u tei u briew ym shym leit sha ei shaei. Ia mynta ym pat lah ban ong na ei u ne u rangbah u ioh ia kane ka jingpang hynrei ka ia syriem ia u ba ioh pang COVID-19 nynkong.
U Bah Hek u la iathuh ba kiba shitom COVID-19 katkum ki District ka long ba ha Shillong ki don 14 ngut, Jowai 5 ngut, Tura 5 ngut, Ampati 5 ngut bad Resubelpara 1. La iathuh ba haduh mynta ka sngi ki briew jong ka jylla kiba la wan phai na sha la ka jylla ki long 14453 ngut.
