La thung ia u Bah Toki Blah kum u Chairman jong ka Social Audit Council

Shillong, Naiwieng 01: U Bah Toki BlDr Mukul With Mr Tok Bblahah mynta ka sngi u la shah thung kum u Chairman jong ka “Social Audit Council” (SAC) bad ka por trei kam jong kane ka Council kan long na ka bynta san snem.

Haba kren ha ki nongthoh khubor ha dien ba la thung ia u Bah Blah kum u Chairman jong ka SAC, u myntri rangbah ka jylla u Dr Mukul Sangma, u la ong ba kane ka dei ka sien kaba nyngkong eh ha ka Ri India ban don ia ka SAC bad ka kam jong kane ka SAC ka long ban peit ia ki skhim pynroi jong ka sorkar kaba la pyntrei na ka bynta ka jingmyntoi jong ki paidbah.

U myntri rangbah u la ong ba kino kino ki skhim kiba la pyntrei na ka bynta ka jingmyntoi jong ki paidbah kin hap hapoh ka jingpeit jong kane ka SAC, ka jingdon jong kane ka SAC ka long ban peit ba ki kam ki jam kiba ka sorkar ka pyntrei kin iaid beit iaid ryntih bad da ka jingdon jong ka SAC kan pynlong ba ki jingtrei baroh kin dep ha ka por kaba la buh.

Na ka liang jong u Chairman jong ka SAC, u Bah Toki Blah ha ka jingkren jong u la ong ba ka kam kaba u la shim ti mynta ka sngi ka long kaba ia dei beit bad ki paidbah bad ka jingiatrei kam kan long bad ki paidbah bad kane ka SAC kan wanrah ia ka jingsngew trai jong ki paidbah ia kei kaba ka sorkar la leh na ka bynta ka bha ka miat hapoh ka jylla bad ka kam jong ki ka long ban peit ba ka dei ban don ka jingiatrei lang ha pdeng ki paidbah bad ka sorkar.

 

 

 

What Next?

Recent Articles

Leave a Reply

Submit Comment
*