Shillong, Nailar 23: U Dr. Vincent T. Darlong mynta ka sngi u la shah thung kum u Vice Chncellor ba thymmai jong ka of Martin Luther Christian University. U ne u VC ba thymmai jong kane ka skul bah u Dr. Darlong u la long u nonghikai ba la pyntbit kyrpang ha ka jingpule Zoology ha kaba u la pyndep ia ka jingpule na NEHU ha u snem 1987.
U Dr Vincent u la kham pynlait jingmut ha ka jingtrei jong u ha kaba ia dei bad ka mariang, ha kine ki snem kiba la leit baroh u la thoh bun ki kot ha kaba ia dei bad ka mariang, khatam ia ki jingeh kaba ki riewlum jong kane ka thain shatei lam mih ngi ki ia kynduh.
Nalor ba u la leh bun ki kam bah na ka bynta ka dong shatei lam mih ngi jong ka Ri India, u la don bynta ruh ha kiba bun ki kam bad ka sorkar pdeng ha ki kynhun bapher bapher ha ki kyrdan bapher bapher bad mynta ka skul bah kala thung ia u ban long u VC jong ka MLCU.
