La weng ia ka kong Claudia, la thung ia bah Sylvester Nongtnger u SP ka EKH District

Shillong, Jylliew 19: Ka sorkar Meghalaya mynta ka sngi kala pynkynriah kam haduh arphew ngut ki heh pulit hapoh ki District ha ka jylla. Ha kane ka jingpynkynriah kam ia ki pulit la pynkynriah ia ka kong Claudia Lyngwa kum ka SP jong ka East Khasi Hills District bad ha ka jaka jong ka la wan rah ia u bah Sylvester Nongtnger kum u SP ka East Khasi Hills District.

Ha kane ka jingpynkynriah kam u Aditya Goenka SP jong ka CID la phah ia u sha ka kum u SP jong ka F&ES, ia ka kong Claudia A. Lyngwa SP jong ka East Khasi Hills District la phah kum ka Commandant ka 1^st MLP battalion Mawiong.

Ia ka Jubi G Momin SP jong ka F&ES la pynkynriah bad thung ia ka kum ka Commandant jong ka 6^th MLP Battalion Umran. Ia u bah Sylvester Nongtnger la pynkynriah ia u na ka kam SP Anti Infiltration bad la thung kum u SP Jong ka East Khasi Hills District.

Ia u SP jong ka East Jiantia Hills u Vivekanand Sing la pynkynriah bad la thung ia u kum u SP jong ka tnad CID. Ia u Deepak Kumar   Palecha Deputy Commandant jong ka 4^th MLP Batalion la pynkynriah ia u bad thung kum u SP jong ka East Jiantia Hills District.

Ia ka Mery GT Sangma commandant jong ka 6^th MLP battalion la pynkynriah ia ka bad thung ia ka kum ka Principal Police Training School. Ia u Bah Vivek Syiem SP Anti Infiltration la pynkynriah ia u bad thung kum u SP (City) Shillong. Ia u bah Nazarius Lamare SP jong ka Anti Infiltration la pynkynriah bad thung kum ka SP Jong ka Ri Bhoi District.

Ia u Bah Chemphang Syrti SP jong ka Ri Bhoi District la pynkynriah bad thung ia u kum u Assistant Inspector General ki pulit. Ia u bah Lakador Syiem SP jong ka West Jiantia Hills District la pynkynriah bad thung kum u SP jong ka Anti Infiltration.

Ia u Ringrang TG Momin SP jong ka East Garo Hills la pynkynriah bad thung ia u kum u SP ka tnad Anti Infiltration Shillong. Ia u Billy Graham Marak la pynkynriah na ka VIS bad la thung ia u kum u Commandant jong ka 5^th battalion.

Ia u bah HG Lyngdoh SP jong ka tnad EOW la pynkynriah ia u bad thung kum u SP jong ka West Khasi Hills District. Ia u Bah BJ Laloo SP jong ka West Khasi Hills la pynkynriah bad thung kum u second in command jong ka SF-10.

Ia u Bikram D Marak SP traffic jong ka Shillong la pynkynriah ia u bad thung kum u SP jong ka West Jiantia Hills District. Ia u Bruno A Sangma Deputy Commandant jong ka 4^th MLP battalion la pynkynriah bad thung ia u kum u SP jong ka East Garo Hills District.

Ia u Lethindra G Momin la pynkynriah ia u na ka kam Deputy Commandant jong ka 3^rd battalion bad la thung ia u kum u SP jong ka tnad EOW. Ia u bah Nagkiew Syiem Assistant Inspector General ki pulit (R) la thung ia u kum u Chief security ophisar jong ka MePDCL. Katba ia u Darwin M Sangma la pynkynriah na ka MePDCL bad la thung ia u Assistant Inspector General (R).