La weng ka sorkar ia “Lockdown ha Shillong” Ki paidbah kin hap ban phikir:Prestone

Shillong, Naitung 29: U Symbud Myntri Rangbah ka jylla u bah Prestone Tynsong u la pynbna ba ka sorkar kala shim ia ka rai ban wengnoh ia ka jingpakhang “Lockdown ha Shillong” Ka ban kut noh ha ka por 12 baje shibit mynmiet.

Ha ba kren ha ki lat pathai khubor mynta ka jan miet la iathuh ba ka sorkar ka shim ia ka rai ban num bteng shuh ia ka jingpakhang ha kane ka nongbah Shillong.

Ha ka juh ka por na ka liang Jong ka sorkar ka kyntu ia baroh ki paidbah ba kin long kiba phikir ban iada na ka jingsaphriang une u khniang jingpang. Ki paidbah ki dei ban bud ia ki jingbthah jong ka tnad ka koit ka khiah.

Na ka liang Jong ka sorkar ka aisa khublei kyrpang ia baroh ki COVID-19 Management Committee kiba la ia trei lang bad ka sorkar ha kine ki lai sngi ba don kane ka lockdown.