Shillong, Naitung 24: Ka surok ban Wah Mawlangdiar sha Phlangsynei kaba pyniasoh ia baroh ki shnong kiba don sha duh ki thain Lawbah, Nongtrai, Ryngku bad kumta ter ter, la don kam ban don noh da kawei ka surok namar kane ka jaka kaba twa ha ka sngi u blei ba la dep ka lah ban hap ha kano kano ka por.
Na ka liang jong ka tnad sha surok jong ka Mawsynram Division kala dep iohi ia kane ka jingma bad kala dep ban wad ia ki lad ki kynti kumno ban pynlait ia kane ka surok ban poi sha kitei ki shnong da kawei ka surok, ka tand shna surok kala lah ban jurip na ki ar tylli ki jaka hynrei ka jingeh ka long ba ki trai khyndew kim treh ban ai ia ka jaka jong ki ban shna surok.
Ka jingtwa khyndew ha kane ka rait Mawksiar kam dei tang mynta shi sien hynrei kala jia bun sien bad kane ka kynti kaba mynta kala kham jur ban ia kip or kiba la leit noh, kane ka jingtwa khyndew ha kane ka sien kaba mynta kala twa kham na jrong bad na ka liang jong ka PWD ruh kila ia trei bor bah bad la ong ba la shai ka sngi la lah ban pynlait ia ki kali ba kin iaid na kane ka surok.
U Bah K. Umdor Executive Engineer haba kren ha u SP News Agency u la ong ba ka jingslem ban pynkhuid ia kane ka surok ka long ba ia ki maw bad ki khyndew kiba don sha jrong kiba la iohi ba kin sa hap ban biang la pynhap ia ki sha bad ia kane ki la lah ban pyndep mynta ka sngi ban pynkhuid bad lada kam twa shuh la shai ka sngi la lah ban pynlait ia ki kali.
Haba ia dei bad ka jingwad jaka na shawei ban shnong surok la ong ba kila dep ban wad namar la iohi ba kane ka surok ka don ja ka jingma, ban pynlait na kane ka jingsah kut kali ka PWD kala dep peit ia ki ar tylli ki jaka hynrei kala ia kynduh jingeh namar ba ki trai jaka haduh mynta kim kwah ban ai ia ka jaka jong ki ban shna ia ka surok.
