Shillong, Rymphang 08: Kum ka jaidbynriew ka ai khublei ia ki MLA ba ki la leh bha ba ki la shim ia ka rai ban pyntrei kam ia ka ILP, hynrei ka kam jong ki kum ki MLA kam pat kut, phi la ia shim ia ka rai, shimkhia ban pynthikna ba kane ka rai kan trei kam ha kaba ia dei bad ka ILP kam dei ban shulong kumba ki shim ia ka rai ban pynrung ia ka ktien Khasi ha ka khyrngit kaba phra.
Ngim kwah ban iohi ba kan long kum kiwei ki rai kiba ki la shim, kum ka jaidbynriew ka kwah ban iohi ba kane ka rai kaba kila shim ha kaba ia dei bad ka ILP kan long doh long snam bad kan ioh jaka ha kane ka jylla Meghalaya.
Na liang jong ka COMSO ka kyntu ia ki MLA ba kin ialam na khmat ban iakhih bad ki kloi ban bud ia ki wat ban leit ia khih sha duh Delhi ruh. Lada ki MLA baroh 60 ngut kin leit lang sha Delhi ban ia khih ka COMSO ruh kan leit lang ban ai mynsiem ia ki ha ka jingiakhih.
La ki shong kli kti ki shu sngap myntinoh thrai la don kam ban pyni ia ka jingpynrem jur ia kine ki briew, haba ia dei bad ka ILP kim dei ban leit aiwai sha ki kpanah na Delhi hynrei ki dei ban trei shitom hi kum ki MLA ban pynioh ia ka ILP, lada duh ia ka ILP ha kane ka jylla ki MLA ki hap ban shim ia ka jingkit khlieh.
Namar ia ki la jied, namar ma ki kiba synshar iaka jylla lada duh mynta ma ki ki hap ban kit khlieh lada kilah ban pynioh ia ka ILP ki long kiba la kloi ban ai burom ia baroh 60 ngut. Lada kim lah ban pynioh lada ka mih ka kynrum kynram ha ka jylla ki hap ban shim ia ka jingkit khlieh, la ong u bah Robertjune Kharjahrin.
