Lada ia ka ILP ym lah ban pyntrei ka jylla ka sorkar ka hap ban shim ia ka jingkit khlieh

Shillong, Nohprah 11: Ki dkhot jong ki seng bhalang bapher bapher kiba don hapoh ka shatri North East Indigenous People Forum (NEIPF) kila ong ba lada ia ka Inner Line Permit (ILP) ym lah ban pyntrei hapoh ka jylla ki seng sain hima sima jong ka jylla Meghalaya bad ka sorkar jylla ki hap ban shim ia ka jingkit khlieh lada jia eiei hapoh ka jyllla.

Ia kane la pynpaw da u Bah Wellbert Rani uba dei u Chairman jong ka NEIPF hadien ba u la dep ban ia kynduh ia u Speaker jong ka Meghalaya Legislative Assembly bad ha kajuh ka por uba dei ruh u President jong ka United Democratic Party (UDP) ban dawa ia ka dorbar ba kyrpang na ka bynta ban pass ia ka resolution halor ka ILP.

Haba ia kren bad ki lad pathai khubor u Bah Rani u la ong, Ka jingia kynduh ka jong ngi ia u Speaker ka long ha ki ar bynta bad kawei ka long kum u Speaker jong ka Meghalaya Legislative Assembly bad kawei pat kum u President jong ka UDP.

“Kane ka jingleit ban ia kynduh ka jong ngi ia u bah Metbah ngi la ioh ban ia kren bad u ba dei ban khot kyrkieh ia ka dorbar ba kyrpang bad hapoh kane ka dorbar ba kyrpang ban ia kren na ka bynta ban wanrah noh ia ka mat ILP bad ban pass ia ka ILP da ka resolution bad ban phah pat sha Delhi” ong u Bah Rani.

Shuh shuh u la ong, Mynta ngi la pynbor ia u Speaker ba la kumno kumno u dei ban pynlong noh ia ka dorbar ba kyrpang bad ngin sa ia kynduh ruh ia kiwei de ki nongialam jong kiwei ki party ban ong ia ki ruh ba dei ban don ka dorbar ba kyrpang ban ia kren hapoh ka iing dorbar ia ka mat ILP.

Na ka liang jong u Bah Wellbert Ranee u la ong ba kito ki MLA kiba ju kren halor ka ILP kane ka dei ka kaba ksiar ba kin ia kren halor ka ILP lada ki ieit shisha ia ka ri bad jaitbynriew bad kane ka dorbar ba kyrpang kadei kaba biang tam ban ia kren bad ban pass ia ka resolution halor ka ILP bad sa phah sha Delhi.

“Ngi la ong ruh ia u Bah Metbah kum u President jong ka party UDP ba na ka liang jong ka party ba kadei ban pynkoh nguh ia ka cabinet ba dei ban leit ia kren biang hapoh Delhi bad ruh ban pynbor ia ka sorkar kmie ba u Lat ka jylla u dei ban ai noh ia ka jingmynjur ia ka Ordinance jong ka MRSS Act bad katba ka ILP kam pat wan kane ka aiñ kan trei kam noh” ong u Bah Rani.

Shuh shuh u Bah Rani u la ong “Ngi iohi ba ka jylla Manipur kaba la shah kyntait katno phew sien shuh halor ka ILP bad ha kane ka kynti ba mynta kila ioh ia ka ILP, Lada ia ka jylla Manipur lah ban ai kyrkieh kyrkieh ia ka ILP balei ia ka jylla jong ngi ym lah” u la ong.

Ngin pynkynmaw biang ba ka sorkar da ka MDA kidei ban ia kynduh mardor ia u Lat ka jylla bad lada u Lat ka jylla um pyllait kidei ban leit sha Delhi ban ia kren bad ka Home Ministry bad ia ka union cabinet ba ia ka MRSS dei ban pyllait noh bad ka jingia tyngkhuh jong ka sorkar jylla bad u Lat ia kata ngim tip hynrei ngi kwah ban iohi ba ia kane dei ban trei kam noh katba ia ka jingiakren ia ka ILP ka dang iaid u la ong..

“Lada kim lah ban leh kumta bad lada don kano kano ka jingjia ka sorkat jylla kadei ban shim ia ka jingkit khlieh namar ba kumba iohi mynta ngim lah shuh ban ia kren da kumwei pat lymda ym don ia ki aiñ ban iada ia ngi bad lada ka sorkar ha kum kane ka por kam lah ban wanrah ia kai aiñ ban iada ia ngi bad shim sting bad lada jia kano kano ka jingjia ba sngewsih nangne sha khmat ka sorkar kan hap shim ia ka jingkit khlieh bad kan ymlah ban kynnoh ia u paidbah lane ia ki sengbhalang” ong u Bah Rani.

Haba kylli halor ka jingsngew u Speaker u Bah Rani u la ong, ka jingsngew u speaker ka long ba un ia kren lang bad ka party ka jong u bad ki para MLA bad nangta un ia kren ruh bad kiwei de ki party ban ia kren lang halor kane.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet