Shillong, Risaw 20: U nongialam ka liang pyrshah hapoh jong ka Khasi Hills Autonomous District Council (KHADC) u bah Pynsngianlang Syiem u la ong ba u ai ka jingkyrshan ba dei ban pynkynriah ia ki nongtrei ka Shillong Municipal Board na Them Metor sha ka jaka kaba kham bha na ka bynta ka jingbit jong ki biang ka jong ki.
Haba kren ha ki Latpathai khubor ha dien ba la wai ka jigniashong dorbar, u bah Pynshngian u la ong ba un kwah ban ong ei ei halor ka jingwanrah ia ka kaiphot jong ka High Level Committee haba ia dei bad ka Them Metor.
Ha ka juh ka por ka jingkylli kaba u la buh ka long ba lada kane ka phang kaba ia dei bad ka Them Metor la leh ha kata ka rukom ba kan kylla ka mat ia kren ilkeshon kane kan kyrtoh kylla ha ka ilekshon MLA ha u snem 2023.
U bah Pynshngian u la ong ba ki briew kiba na bar kim dei ban wan tuklar haba ia dei bad kane ka kam, la ong ba kiba shong ha kato ka jaka kila pynkhein ia ki kyndon namar kila pynkylla iew ia kane ka jaka bad ka jingpan pata jong ki ia kaba ka Hima Mylliem kam pat ai.
Kaba kongsan ka dei ban don ia kata ka mon kaba skhem na ka liang ka sain pyrthei, ban pynkynriah ia ki na katei ka jaka sha ka jaka ba kham biang ruh ka dei ban long halor ki nongrim bad na ka liang jong ka KHADC kan ai ia ka jingkyrshan.
Ka sorkar mynta ka dei ban pyntrei kam shuwa ia ka rai jong ka HLC bad ha dien kata kin sa ia peit lada dei ban ujor sha iing bishar la ka dei ban long ha ka High Court lane Supreme Court.
Haba jubab ia ki jingkylli la ong ba ka sorkar kala shim khia hadien ba la mih ka huri hura ba kane ka sorkar ka sa thung ia ka HLC bad kyrmen ba ka sorkar kan shikhia ia kane haduh ba kan pyndep ia ka kam.
