Shillong, Nailur 18: Mynta ka sngi lai ngut ki Vice President jong ka party UDP, na ka Ranikor Constituency lem bad ki nongbud kila phah ia ka shithi sha u president jong ka seng ba kila mih noh na ka party UDP naduh mynta ka sngi. Kine ki lai ngut ki long u Bah Roshem Myrthong, u RR Marak bad u Kuringstone D Shira.
Haba kren ha ki nongthoh khubor ha Shillong Press Club mynta ka sngi, ka ong ba ka daw ba ki la hap ban mih na ka seng UDP ka long ba u kyrtong jong ka UDP u ba ka party kala aitiket um pat poi sha ka thong jong ka jingjop ha kane ka Election 2018, la ong u Bah Myrthong.
Ka jingbym sngap jong ki nongialam jong ka UDP central body ia ka jingia kren jong ki nongkit kam jong ka seng ba kam dei ban pynbna kloi ia ka tiket na ka bynta ka Ranikor namar ba ki don ar ngut ki kyrtong kiba kwah ban ia khun hap ban ia pynbeit shuwa hapdeng jong ki, hynrei ka party kala pynbna ia u bah Pious Marwein.
Ha dien ka jingiakynduh para nongialam jong ka seng UDP kila rai ban mih noh na ka party bad ban ai ka jingkyrshan ia u Bah Aurmarshal Diengngan u ba lah ban ia khun pyrshah ia u MLA ba mynta u Martin M Danggo na pdeng ki kyrtong kiba la paw ban ia leh MLA.
Na ki kyrtong kiba la paw mynta, u Bah Pious Marwein, ka kong Pelsy Snaitang, u Bah Don Massar bad u Bah Air Marshal Diengngan, kiba lah ban ia khun dei tang u Bah Airmarshal kilam kam kitei ki nongialam jong ka seng UDP kiba la mih noh ka ka party.
