Lada ka BJP ka pyntrei kam ia ka CAB 2016, ngin leit ujor ha khmat ka United Nation: Paul

Shillong, Kyllalyngkot 31: U Bah Paul Lyngdoh Working President jong ka party UDP, haba kren ha ka jingialang paidbah ban pyrshah ia ka Citizenship Amendment Bill, 2016 mynta ka sngi ha Madan Student, u la ong ba lada ka sorkar BJP ka leh da ka bor ban pyntrei kam yn leit ujor ha khmat jong ka United Nation.

Kane ka jingwanrah ia ka CAB 2016 da ka BJP ka long ban pynduh jait ia ki rit paidbah jong ka dong shatei lam mih ngi jong ka Ri India, kane kam ktah tang ia ka jaidbynriew khasi hynrei ia ki rit paid kane ka thain shatei lam mih ngi baroh kawei.

U bah paul Lyngdoh, ha ka jingkren jong u mynta ka sngi u la ong ban ia tei pop kam kut shuh lano kano ruh hynrei ban ia map noh ia baroh kaei kaba la jia ha ki por ba la leit noh bad ai naduh mynta ka sngi kin ia trei kawei kum ka jaidbynriew khasi ban ien tylli ban ia pyrshah ia ka CAB.

U la pynkynmaw ruh ia ka mynnor ba ka ki phareng kila wan ban synshar don bor bad ha dien ba la ioh ia ka jinglait luit la pynhap jubor hapoh ka Ri India da kaba iasoi ia ka Instrument of Accession bad ha u  snem 1972 la ioh ia ka jylla Meghalaya bad mynta ka wan kane ka CAB.

Kum ka jaidbynriew, ki don ha ki lai tylli ki jingma, ka jaidbynriew kaba rit paid, ka jaidbynriew kaba dang duna ha ka ktien bad ka jaidbynreiw ka dang rit ha ka niam kine lai tylli ki long kiba hap ban iada dei na kane ka daw ba ha u snem 1993 ka United Nation kala shim ia kane ka snem ban iada kyrpang ia ki rit paid ha ka sla pyrthei.

“Lada kane ka sorkar BJP ka pytrei kam jubor ia kane ka CAB, ka long ba ka sorkar BJP ka pynbor  ia ngi ban leit ban ujor sha ka United Nation ka dorbar bah jong ka pyrthei, ngi don ka hok ban iada ia la ka jaidbynriew.” La ong u Bah Paul Lyngdoh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet