Shillong, Iaiong 27: U Myntri Rangbah ka jylla u Conrad K Sangma la ong ba ka jingiakren ka dang shusdang ban don ia ka “Casino” jaka ia khlai bad lada don ruh yn buh ha khppud bad ka jylla Assam, ka jingthmu ka long ban pynmih pisa na ka bynta ki jingsiew kiba ka jylla ka don kam.
U Myntri Rangbah la ong ba ka sorkar kan shna ia ki kyndon ba kane ka jaka ia khlai kan long tang na ka bynta ki briew kiba na bar, ia ki trai jylla yn nym shah ba kin rung sha kane ka jaka ia khalai lada don ruh bada la da shah ia ki trai jylla yn wengnoh ia ka laisnen.
U Myntri rangbah ka jylla la ong ruh ba ha Khyndai lat ki don ki jaka ia khlai kiba khlem laisen kiba la pyniaid mynta la jan palat 25 snem, ka sorkar kan sa shna ia ka ain ban ithuh noh ia ki ba kin hap ban siew khajna sha ka sorkar, kumba ka long mynta ka long beain ha khmat ka ain.
Ka sorkar ka hap ban wat ki lat ki lynti kumno ban pynmih pisa ban siew ia ki jingdon kam, kumba ka long mynta ka jingdawa jong ki nonghikai Adhoc ka sorkar ka don ka jingsngew na ka bynta jong ki ban ai ia ka jingdawa don kam pisa ban pynioh pisa don kam ban don ia ki jingioh lum khajna.
