Shillong, Naitung 01: Mynta ka sngi ka seng KSU bad ki riew rangbah na ka thain Mawkynring bad Lumkseh kila ia kynduh ia u Deputy Chief Executive Member jong ka KHADC u Bah Pyniaid Sing Syiem ban pynpaw ia ka jingpyrshah halor ka jingthmu ban die ia ka jaka 400 Akar sha ki shipai BSF ha katei thain.
Ha kane ka jingiakren na ka liang jong u Deputy CEM jong ka KHADC u la kren shai ba lada ka jingthmu ka long ban ai ia kane ka jaka sha ki shipai na ka liang jong ka KHADC kan nym shah, hynrei lada ka dei na ka bynta kiwei ki kam pynroi kiba ka sorkar ka don kam kata kin hap ban bishar bniah.
Na laiang jong u Bah Syiem, u la ong ba katei ka jaka ka hap ha ka raid, ki don ki khep kiba ka dorbar raid ka shim ia ka rai bad ki don ki khep kiba tang ka dorbar shnong ki shim ia ka rai. Haba ia dei bad kane na ka liang jong ka KHADC kan dang hap ban bishar bniah, kaba shai ka long lada dei na ka bynta ki shipai kin nym ai.
Haba ia dei bad kane na ka liang jong ka KHADC kan dang hap ban khot biang ban bishar bniah ia ki kot ki sla ban lap ia ka jingshisha. Na ka liang jong ki nongialam jong ki hynnuew tylli ki shnong ryngkat ki nongialam jong ka seng KSU kila ai da ka jingthoh sha u Dputy CEM ban pyrdshah ia kane ka jingthmu ban ai jaka sha ki shipai BSF.
