Lada ka KHADC kam leh kumba la kular ka jingiakhih kan dang kham jur shuh: Pasbha

Shillong, Naiwieng 14:  U bah Pasbha Kharngi Chairman jong ka Joint Action Committee jong ka hima Sohiong u la ong ba lada ka KHADC kam leh ia ka kam kumba la kular da u Deputy CEM ha khmat jong ki ban pynioh biang ia ka raid Nongwah Mawtamur na ka Hima Jirang sha ka Hima Sohiong ka jingiakhih kan dang kham jur shuh shuh.

La ong ba ka jingwan tur jong ki sha KHADC mynta ka sngi ka long ba na ka liang jong ka KHADC kam shym la pyntip ei ei aiu ka la leh halor ka jingujor ka jong ki bad dei na ka jingsngap mynthi jong ka District Council kaba la pynlong ia ki nongkit kam jong ka JAC ba kin tur sha KHADC.

Haba ia dei bad ka jingkular jong u Deputy CEM ha khmat jong ki mynta ka sngi kin pdiang bad lada kane ka jingkular kan long kamkai ka jingiakhih kala dang jur shuh shuh la ong u bah Pasbha Kharngi.

Ha kane ka sngi ki dkhot jong ka JAC kila rung jur hapoh phylla jong ka KHADC wat la ki pulit kila pyrshang ban khang ia ki ha khyrdop jong ka KHADC, haba la rung sha phyllaw kila ia pyrtwa ban dawa ba ka KHADC ka dei ban weng mardor ia u Lyngdoh ka Hima Sohiong u ba la aiti ia ka raid Nongwah Mawtamur sha ka hima Jirang. Kila ia pyrta ruh ba u CEM u dei ban hiar shuki.

Halor ka jingleh jong ki dkhot ka JAC, na ka liang jong u CEM u bah teinwell Dkhar u la khot ia kren hynriew ngut ki nongialam ban ia kren bad ka jingiakren kala neh kum bas hi kynta duna ei ei bad na ka liang jong u CEM u la kular ban pynioh biang ia ka raid Nongwah Mawtamur, hynrei ki dang ap ia ka jubab na u Syiem jong ka Hima Jirang namar la ai por haduh ka 25 tarik mynta u bnai.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet