Shillong, Rymphang 22: Ha ka jingialang ha khappud Bangladesh, ha Pyrdiwah, ai khublei u Bah John F Kharshiing, General Secretary, MPCC, ia ka Kong Grace Kharpuri, MDC bad kyrtong Co
ngress na Nongshken, ka ba la shim khia ban tuklar ia u Pud U Sam khamtam bad kaba iadei bad ka jing khreh ker sainar bakla ia u pud u sam bad ka Bangladesh.
U la kyntu ia ki paidbah ba kin ailad sa shisien namar ka Nongshken MDC, kaba dei ka bynta jong ka Pynursla MLA constituency, ki paidbah ki ioh u MLA uba don ka kyrdan Deputy Chief Minister katba i kyrtong MDC Congress i la long teng kum i kyrtong CEM hapoh KHADC, baroh ar kiba nep ki reng.
U la kyntu ia ki paidbah ban bishar bniah ha kaba kin hap jied MDC hapdeng ka Congress lane ki Seng NPP, UDP, HSPDP, kiba rieh shatri hapoh ka BJP.Ha kane ka jingialang u la ai khublei bad kitbok ia ka Kong Grace iba long ka longkmie ba mih ha ka jingiakhun MDC ba kan poi sha ka thong.
U bah John F Kharshiing, Gen Secy, MPCC, u la Ong ba kylleng ka Ri India ka beh ka lyer Congress khlem artatien Kan wan synshar biang ka Congress ha ri India bad kaei kban jia ha Meghalaya baroh ki tip Shai. Kumta Kan jingda bha Lada ki paidbah ki jied beit Sha ka Congress namar ka sain pyrthei kam slem ba Kan kylla hapoh Meghalaya.
U ne u nongialam ka seng congress u kyrpad ia ki Seng NPP, UDP, HSPDP, PDF bad ki Independent MLA ban shim ia ka rai ban kiar noh shisyndon na ka Seng BJP bad ngi kyntu ia ki arngut ki MLA BJP ban mih noh na ka seng BJP khnang ba kan paw shai ka jingpyrshah ia ka jingpynbna u Amit Shah ban wanrah biang ia katei ka bill Citiizenship Amendment Bill(CAB) lada ka BJP ka wan biang ha ka jingsynshar hadien ka Election MP 2019.
Ka long kaba pynkulmar ia u paidbah haba ka Sorkar MDA ki ong ba pyrshah CAB katba ha Secretariat ia shong Cabinet bad ha Assembly ia shong ha ka juh ka liang bad ka BJP. Sa katno phin ia leh matlah. Ka long ka jingshah kren kylleng ia kane ka nongrim ba ar maloi.
Ia kitei ki jingkyntu la pynbna u Bah John F Kharshiing, ha ka jingialap MDC Election 2019 ha Laitryngew, Kum shibynta ban ialap kanbas ia u Bah Donovan Wanlang, MDC, bad kyrtong MDC na ka Seng Congress.
U la pynpaw ka jingkmen bad ai khublei ia u Dr P Khongji, MLA bad MDC barim uba la mih noh na ka Seng BJP bad wanphai biang Sha la Seng Congress halor ka Nongrim ban pyrshah CAB.
U la ai khublei ia u Bah Ardent Basaiawmoit, MLA & MDC barim ka Nongkrem bad President HSPDP barim, uba la mih ban kyrshan ia ki kyrtong MDC Congress Kum shibynta ban pynpaw ia ka jingpyrshah kaba jur ia ka jingthombor ka Seng BJP da ka jingthmu ban pynjari ia ka Ain CAB kaban ailad ia ki poi wir ban long nongshongshnong, bad ia kaba la pulom namar ka jingbun MP ka Seng Congress hapoh Rajya Sabha.
U Bah John F Kharshiing, ,Gen Secretary, MPCC, u la kyntu jur ia ki paidbah ban kyntait ia kitei ki seng Lada ki dang ia shong lang ha cabinet bad hapoh Assembly.
