Shillong, Risaw 25: U president jong
ka party National Peoples’ Party (NPP) u Conrad K Sangma u la ong ha ka jingialang paidbah ka kam kaba ha khmat eh lada ka seng ka wan ha ka bor ha u snem 2018, ka kam kaba ha khmat eh ka long ban shna ia ki surok ia kane u la kren ha ka jingialang paidbah kaba la long ha Raksamgre hakaba u la pynbna paidbah ba u Benedict R. Marak un long u kyrtong jong ka seng NPP na katei ka jaka.
Ha kane ka jingialang paidbah ha kaba kumba 5000 ngut ei ei ki paidbah kila ia poi u Conrad u la ong ba ka daw jong ka jingduk jingkyrduh ka dei na ka jingbym biang ki surok dei na kane ka daw ba ka NPP kala buh ia ka thong ba lada ka wan ha ka por ha u snem 2018 ka bynta kaba kongsan tam dei ban shna ia ki surok. Namar ka roi ka par baroh ka shnong ha ka jingdon jong ki surok.
Haba phai sha ka pule puthi, na ka liang jong u Conrad u la ong ba kane ka long ka bynta kaba kongsan ha kaba ka NPP ka shim khia bha bad ynda ka wan ha ka bor kan peit ba ki nonghikai ki dei ban ioh ia ka hok ka jong ki bad ka jingpule ka dei ban khring ia ki khynnah.
Ha kane ka jingialang paidbah na ka liang jong u Conrad u la ong ba kum u MP jong ki u la kren hapoh iing dorbar thawain jong ka Ri India ia ka jingdon kam jong ki paidbah ka thain Garo Hills, ka jylla bad ka dong shatei lam mih ngi jong ka Ri India. U la ong ba ha kane ka juk kaba mynta ban don ia ka mibile ka long kaba don bad ki company pyniaid mobile kin leh ia kaba don kam ha Garo Hills.
Na ka liang jong u Cornad u la kyntu ia ki paidbah ba kin ai ka jingkyrshan ia u kyrtong jong ka part NPP u Benedict bad hapoh ka jingialam ka jong u un trei na ka bynta ki paidbah jong ka Raksomgre.
