Lada ka seng ka shem ba plie ophis ha ka “Good Friday” kan khang da ka bor:KSU

Shillong, Lber 27: Ka Khasi Students’ Union seng kmie kum ka seng kaba peit ia ka bha ka miat jong jong ki paradoh parasnam ha baroh ki liang lyngba kane ka kyrwoh ka kwah ban ai jingmut ia baroh ki tnad treikam sorkar pdeng bad jylla, company bad kino kino ki agencies kiba treikam hapoh ka bri u Hynniewtrep ha kaba ia dei bad ki sngi ba kyrpang ba ju rakhe burom da ki paid Khasi.

Ka seng ha ka jingiaid lynti jong ka naduh ba la seng ia ka ha u 1978, ka ju kyntu ia baroh ki nongshong shnong ka jylla ban burom ia ki sngi ba kyrpang jong ki trai ri trai muluk bad ka ju pyni ruh da ki kam ia kito kiba leh pyrshah ia kine ki jingkyntu ka seng.

Ka Jaidbynriew Khasi ka ju kynmaw burom ia ka sngi iap jong ki riewkhraw ka jaidbynriew kum u Tirot Sing, u Kiang Nangbah, u Wickliffe Syiem bad u Soso Tham; shuh ka jaidbynriew bad ka seng ki ju kheinkor ruh ia ki sngi leh niam ka niamtynrai kun ka niamtre kum ka Behdeinkhlam, ka Shad Nongkrem bad ka Shad Suk Mynsiem.

Ha kum kine ki sngi ka sorkar ka ai da ki shuti khnang ba ki paidbah kin ioh ban ia shim bynta ha kine ki sngi ba kyrpang. Hynrei ka seng ka ju lap man ka por ba ki don ki ophis ne ki companies ki bym khein snep ia kine ki sngi ba kyrpang ka jaidbynriew da kaba ki pynlong trei ha kum kitei ki sngi. Kumta ka seng kam banse ban pyni da ka kam bad khang khyrdep ia kum kine ki jaka kiba pynkhein bad leh pyrshah ia ki shuti kiba long kyrpang ia ka Jaidbynriew.

Shuh shuh ha une u snem ba mynta ka seng ka la iohi ba ki don katto katne ki ophis kiba thmu ban pynlong trei ha ka sngi Good Friday, ka sngi kaba kyrpang jong ki riewngeit kristan satlak ka pyrthei. Khlem da khein ne thew ia ka jingngeit niam, ka seng ka kyntu bad maham ia baroh ki tnad sorkar, company bad agencies ba kin khang ha katei ka sngi namar ba kiba bun paid ki Khasi ki dei ki riewngeit jong ka niam Kristan bad baroh ki kwah ban ia shim bynta ha ka jingrakhe ia katei ka sngi ba kyrpang.

Lada ka seng ka shem ia kino kino ki ophis kiba plie ha katei ka sngi kam banse ban khang da ka bor ia kitei ki ophis kumba ka ju leh ha ki sngi bakhraw ka jaidbynriew.

Khatduh khatwai ka seng mynne ka sngi hapoh ka jingialam u samla Banjop Maring  Publicity Secretary, KSU North Khasi Hills District Unit ka la leit ban tuklar ia ka ophis ICAR ha umiam hadien ba ka seng ka la ioh ia ka circular jong kane ka ophis kaba la hukum ban wan trei ha ka sngi Good Friday ia baroh ki nongtrei ophis lyngba katei ka circular. Lyngba ka jingleit tuklar ka seng u Chief Administrative Officer ka ICAR u la phah sa kawei ka circular ban ai shuti noh ia ka sngi Good Friday.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet