Lada ka sorkar BJP ka pynlong ain ia ka CAB, un ujor sha Supreme Court: COMSO

Shillong, Nohprah 07: Ka kynhun ki seng bhalang hapoh jong ka lama Confederation of Meghalaya Social Organisation (COMSO) mynta ka sngi kila shim ia rai ba lada ka sorkar BJP ka leh don bor ban pynlong ain ia ka CAB, 2019 kum ka seng kin ujor sha Supreme Court ban ban wad ia ka jingiada.

Haba kren ha ki lad pathai khubor mynta ka sngi ha dien ka jingialang kaba la long ha Shillong Club, u Bah Robertjune Kharjahrin u la ong ba kum ka kynhun ki seng bhalang ki pyrshah bad kim pdiang ia kane ka CAB 2019 kaba ka sorkar BJP ka mut ban pynlong ain jubor.

U la ong kala don ka jingiapher ha ka CAB, 2016 bad kane ka CAB 2019, hynrei kane ka CAB kaba ka sorkar pdeng kala pynkhreh kam shym la pynlait ia ka jylla Meghalaya baroh kawei, ka pynlait tang 97% katba 3% ki jaka kum ka Jail Road, Police Bazar, ki Revenue Land bad ka Kantonment ka CAB kan trei kam.

Ban pynpaw ia ka jingpyrshah ia ka CAB naka liang jong ka seng kala shim ia ka rai ban pynlong ia ki jingiakhih ha kine ki sngi da kaba kin leh khlem da pyntip paidbah, kin leh kynsan. Ha ka juh ka por ka COMSO ka ai ka jingkyrshan kaba pura ia ka jingiakhih pakhang shnong jong ka NESO.

Na ka liang jong ka COMSO, ka khot kawer ia ki paidbah bad ia ki nongmih khmat baroh ba kin ieng rangbah ban pyrshah ia ka CAB la ka long hapoh iing dorbar bad kum juh sha bar jong ka iing dorbar. La ong ba ka COMSO ka dawa na u Lat jong ka jylla ba u dei ban soi noh ia ka MRSS Ordinance kumba ka long da ka sorkar jylla.

Ka jingpyrshah ia kane ka CAB, 2019 ka long ba ka khlem pynlait ia ka jylla Meghalaya baroh kawei, kaba ar ka long ba katkum kane ka CAB ba thymmai ki mynder ri kiba la wan shuwa ka 31.12.2014 kin kylla trai shnong ia kaba yn nym lah ban pdiang.

La dawa ruh ba dei ban pyntrei kam noh ia ka NRC bad shim ia u snem 1971 kum u snem ot kyrteng naduh ba ka jylla ka ioh ia ka Sub State. U bah Robert u la kynthoh ruh ba ka jingong jong u nongialam ka liang pyrshah ban pyntrei kam shuwa ia ka NRCI kane ka long kaba bakla shibun.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet