Shillong, Naiwieng 17: Ki Seng bhalang bapher bapher napoh East Jaintia Hills District kiba kynthup iaka EJNC, JSM, JSU, KSU,FKJGP & HNYF hadien bala ioh iaka khubor ba kala don ka jingthmu jong ka Sorkar Jylla ban kynriah kam noh ia u Deputy Commissioner jong ka East Jaintia Hills District, kila pynlong iaka jingialang ba kyrkieh.
Ka jingkhot ia kane ka jingialang kaba kyrkieh ka long ban ia pyrkhat halor ka katei ka jingthmu jong ka Sorkar Jylla ha katei ka jingialang da kawei ka sur ngi lah rai ban pyrshah ia katei ka jingthmu jong ka Sorkar Jylla ban kynriah kam noh ia u DC ka EJHD.
Ki seng bhalang na East Jaintia Hills District ki pynpaw ia ka jingsngewsih namar kane ka jingthmu ban pynkynriah kam ia u ka long ban pynsah teng ia ki kam pynroi jong ka sorkr hapoh ka District la ong ba kum ki seng bhalang kila sakhi baka jing shakri jong u Bah E.Kharmalki kum u DC ka EJHD kalong ka jingkyrkhu iaka District.
Ki seng bhalang kila ong ba u DC u don ka jingiadei kaba ia jan bha bad ki nongshong jong ka District bad u long u ruh u briew uba kloi ban iarap ia kiba shem jing eh, na ka liang jong ki seng bhalang ki kyntu ia ka sorkar ba ka dei ban dang pynneh ia u namar ba ka por treikam jong u kam pat die ban pynkynriah, la da ka sorkar ka pynkynriah kin pynlong da ka jngiakhih.
