Shillong, Naiwieng 04: Ka khasi students’Union (KSU),Ka dap da ka jing sngew lyngngoh haba iohi lyngba ki lad pathai khubor ba ka jing pass jong ka sorkar iaka resolution halor ka ktien “khasi ” ka dap da ki jing duna ki jingbym biang, kaba lah wanrah ka jingsah umdum halor kane ka mat kaba lah angnud lah bun snem mynta da ki dkhot jong ka jaitbynriew ba ka ktien khasi Kadei ban rung noh haka khyrnit kaba phra jong ka riti synshar ka RI India.
Ha ka khyllipmat ba ka sorkar ka pass iaka resolution ka lah don ka jing kyrmen ba Kane ka mat kan urlong shen,namar lah iohi iaka jing mynjur jong baroh ki Nongthaw aiñ hapoh iing dorbar ba dang shu dep, hynrei sngew diaw ban ong ba tang khyndiat taiew lah paw penrynkew ba ka resolution kam dei kaba janai kaba biang, ka snoh da ki jing duna.
Ha ka jingshisha kane kane ka phang lah ia kren lah dawa da ki phew snem,lah dei ban sngewthuh ban pynbeit ryntih ban nym dkoh ne ban nym pynthame iaka jing angnud jong ki dkhot ka jaitbynriew.
Ka seng ka sngew dei ban phah ia kane ka kyrwoh sha ka sorkar jylla, ba kadei ban lum noh mardor iaka dorbar kyrpang ban iatai sani bha bad pynbeit ryntih ia ki jingduna bad ban pass biang sa Shisein iaka resolution ka bym dkoh shuh.
Ka seng ka dang Khmih lynti ba ka resolution ba pass daka sorkar ka lah poi sha Delhi, phewse long mar khongpong namar ka shu kut ha ki saw kynroh jong ka iingdorbar thaw aiñ.
Lada ka sorkar kam khot kyrkieh iaka dorbar kyrpang halor kane ka mat, Ka pyni ba ka sorkar ka lah shukor bad pynthame kai iaki dkhot ka jaitbynriew, da kaba pass iaka resolution kaba khlem da janai tikna .
Ka seng ka khmih lynti ba ka sorkar kan shim khia ia kane ka kam ban leh noh mardor, bad ioh phah noh kloi iaka resolution ka bym dkoh Sha ka Sorkar kmie.
