Lada ka sorkar kam pynlait ia ka ‘Royalty’ lah ban duh tulop ha ki bnai ban wan ha JHADC: CEM

Shillong, Naitung 25: U Chief Executive Member jong ka Jaintia Hills Autonomous District Council (JHADC) u Bah Thombor Shiwat u la ong ba ia mynta u bnai ka Council ka dang don ka pisa ban siew ia ka tulop jong ki nongtrei jong ka Council, hynrei ha ki bnai ban wan lada ka sorkar kam pynlait ia ka bhah jong ka Council kaba dei na ka ‘Royalty’ kin nym don pisa shuh ban siew ia ka tulop.

Na ka liang jong u CEM jong ka JHADC haba kren ha u SP News Agency u la iathuh ba ka jinglut tang na ka bynta jong ki trei jong ka JHADC ha ka shibnai ka tulop jong ki ka long kumba saw klur tyngka, lada ka sorkar kan pynlait ia ka bhah jong ka Council, ha u Nailar bad Nailur kala lah ban poi sha ka jingbym lah siew tulop shuh ia ki nongtrei.

La iathuh ba ka bhah jong ka JHADC na ka jinglum khajana na ki marpoh khyndew kaba dang sah bad ka sorkar ka dang don kumba sawphew klur tam bad lada ka sorkar ka pynlait noh noh ia kane ka pisa ka Council ka dang lah ban siew ia ki nongtrei hynrei lada ka sorkar kam pynlait ia ka bhah jong ka Council kata la shem jingeh ban siew ia ka tulop jong ki nongtrei.

Baroh ki iatip ba ka jingmih jong ka JHADC ka dei na u dewiong, hynrei mynta ka khang ia u dewiong bad kiwei kiwei ki jingmih hapoh jong ka JHADC ki long kiba duna palat kaba kham mih ka dei na ka Professional Tax hynrei kane ruh katno eh kan nym lah ban pyndap ia ka jingdon kam jong ka Council, khamtam ban siew ia ka tulop.

Haba jubab ia ka jingkylli ha kaba ia dei bad ki karkhana shna dewbilat kiba don ha Jaintia Hills hato ka District Council ka don jingioh ei ei na ki, u CEM u la jubab ba na ki karkhana shna dewbilat kam don kano kano ka jingioh ka ban wan sha ka District, ka daw ka long ba la bakla ha ka por ba ai NOC, ha ka jingshisha kala dei ban don ka kyndon ba ki hap ban siew ei ei sa ka Council, la ong u Bah Thombor Shiwat CEM.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet