Lada ka sorkar kam shim khia halor ki “Entry bad Exit Point” ki seng bhalang kin shna hinoh

Shillong, Naiwieng 15: Ka dei ka sien kaba nyngkong ba ki 13 tylli ki seng bhalang ba mynta ka sngi kin ia kynduh ia kane ka sorkar MDA kaba la ialam da u Conrad K Sangma ban ia kren halor ki “Entry bad  Exit Point” ban khanglad ia ka jingwan rung kyrthep ki mynder sha kane ka jylla Meghalaya.

Ha dien ka jingiakynduh bad ka sorkar, u President jong ka KSU u Bah Lambokstarwell Marngar haba kren ha ki lad pathai khubor na ka bynta ki 13 seng, u la ong ba ki tip ba kane ka dei ka sorkar thymmai bad ka long ruh ka jingiakren kaba nyngkong bad kane ka sorkar halor ki “Entry bad Exit Point” hynrei ki ophisar ki dei ki juh.

Ha kane ka jingiakren na ka liang jong ki 13 seng kila pynpaw shai ha khmat ka sorkar ba kam dei ban rieh tngen da kaba aid aw halor ki jingeh kiba ka ia kynduh, da kaba aid aw da kumne da kumtai. Ki 13 seng kila dawa na ka sorkar ba ka dei ban pyntrei kam noh ia ki “Entry bad Exit Point”.

Ki 13 seng ki sngewthuh ia ka jingeh kaba ka sorkar ka ia kynduh, hynrei kam dei pat ban pynslem tang namar ba ki don ki jingeh, ki jaka ban shna ia ki Entri bad Exit Point ki don 41 tylli ha ka jylla baroh kawei, ka sorkar kan nym lah ban leh ha ka juh ka por, hynrei ban ong ba haduh mynta tang kawei ruh kam pat pyntrei kam ka long kaba ym lah ban pdiang, ka sorkar ka dei ban pyntrei kam noh.

Na ka liang jong ki 13 seng ki ong ba ki phah ia ka khubor sha ka sorkar ba lada ka sorkar ka dang pynslem ban pyntrei kam ia ki Entry bad Exit Point katkum ka ain bala shna da ka sorkar ka Meghalaya Residents Safety and Security act 2016, ki 13 seng kin sa leit ban shna hi ia ki “Entry bad Exit Point”.

 

 

What Next?

Recent Articles

Leave a Reply

Submit Comment

*