Lada ka sorkar kam siew ia ka tulop ha ka 20 tarik ka AMSSATSA kin sdang ia khih: D Lamare

Shillong, Naitung 18: Mynta ka sngi kawei pat ka kynhun nonghikai SSA hapoh ka lama jong ka All Meghalaya SSA Teachers School Association (AMSSATSA) mynta ka sngi kala ia kynduh ia u Additional Chief Secretary u bah DP Wahlang ba dei peit ia ka tnad pule ban ia kren halor ka tulop.

U bah D Lamare General Secretary jong ka seng ha dien ka jingiakynduh  ia u Additional Chief Secretary la ong ba kim hun ia kaei kaba mih na ka jingiakren namar kim shym ioh ia ka jingkular kaba shai halor ka tulop.

U General Secretary ka AMSSATSA u la kynnoh ba kane ka dei tang ka buid jong ka sorkar ban pynslem ban siew ia ka tulop jong ki, la ong ba ha kane ka jingiakren la pynsngewthuh ba ka sorkar jylla kan ioh ia ka pisa na ka sorkar pdeng ha ka 20 tarik mynta u bnai.

Na ka liang jong ki nonghikai SSA kiba don ha ka AMSSATSA wat la kim hun ia ka jingiakren hynrei kin ap ia katei ka tarik kuba  la pynsngew haki bad lada kam urlong kin sdang ia ka jingiakhih ban pynbor ia ka sorkar ba siew noh ia ka tulop jong ki.

Haba ia dei bad ka jingdawa ban pynkiew ia ka tulop jong ki nonghikai SSA ka AMSSATSA ka ai ka jingkyrshan ia ka MSSASA bad kum juh ia kiwei ki jingdawa kiba la buh ha khmat jong ka sorkar ba ka dei ban pynurlong ia ka jingdawa ki nonghikai SSA ha ka jylla.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet