Lada ka tnad pynneh riti dustur ka sorkar kam pyndam ia ki jingdro dur, ka KSU kan sa leh

Shillong, Jymmang 26: Ka Khasi Students’ Union lyngba ka Environment and Cultural Protection Cell ba la soi kyrteng da u Samla Reallystar Nongspung, Chairman bad u Samla Forwardman Nongrem,  Secretary Environment and Cultural Protection Cell ka la phah da ka jingthoh sha ka Director of Arts and Culture jong ka Sorkar Jylla bad ruh sha u Deputy Commissioner jong ka East Khasi Hills District ban dawa ba dei ban pyndam noh iaka dur Mithun Chakraborty bad Kiwei Ki Dur ki bym don bynta eiei bad Ki riti dustur ne ki bym don jingiadei bad ka imlang sahlang jongka Jaitbynriew ba mynta ia kaba la Dro daka rai jong ki nongpyniaid iaka Shillong Street Art Festival.

Ha ka jingthoh ka la kdew shai ba ki Nongpyniaid ia kane ka Festival Ki la ong ba kawei naka jingthmu ka long ban khring iaki nongjngoh kai pyrthei bad ban phah iaki khubor sha Kiwei lyngba ki jingdro haba iadei bad ka jinglong jingman bad ka imlang sahlang lyngba ki dur ha kaba ka seng ka sngew ba ki nongpyniaid iaka Festival kila bakla shikatdei eh namar ki dur jongki Bollywood Actors kim Don bynta eiei ruh em bad ka jinglong jingman ne ka pyrkhat pyrdain Ki trai RI trai muluk ba sah ha Shillong bad jong ka jylla hi baroh kawei.

Kane ka jingleh bym pyrkhat kan ktah shikatdei eh bad kan ialam bakla ruh ia ki nongwan jngoh kai pyrthei kiba wan ha Shillong. Ka seng kam pyrshah iaka jingong jong ki Nongpyniaid iaka Shillong Street Art Festival ba ki kwah ban kyntiew iaki trai jylla ba donsap haka jingdro dur hynrei ka seng  dawa ba ki dei ban phah dro khambun Ki dur ba iadei bad ka kolshor ne riti dustur bad kaba don jingiadei ruh bad ki khlawait ka Jaitbynriew kum u Tirot Sing Syiem,  Kiang Nangbah bad Kiwei khnang ba kiba iohi ba ki trai jylla ha Meghalaya ki don la Ki riew shlur bad kiba riew spah ruh haka jingdon iaki riti Ki dustur ba khampher na Kiwei pat ki Jaitbynriew.

Ka seng lyngba ka jingthoh,  ka la dawa ia ka Director of Arts and Culture bad ia u DC East Khasi Hills District ban tuklar halor kane ka bynta bad ki dawa ruh ba dei ban pyndam noh iaki dur jongki Bollywood Celebrities bad Ki dur ki bym iahap bad Ka jinglong jingman ne ka kolshor jongki trai RI trai muluk. Ka seng ka khmih lynti ba ki bor ba dei peit kin leh ia kaba donkam bad lada ki leh bym patiaw ka seng kam banse ban shim Da Kiwei Ki sienjam ban leh ia kaba donkam.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet